اقدملكم اليوم مجموعة ابوذيات
تسالني الروح وين العزاز وصعب اردها
بس اذا العزيزه راحت من الفيس بوك شلون اردها؟
حديقه النت وماتسوه شي بدون وردها
غابو العزاز وبس الشوك ضل عليه
..............
ثيابي من جمر نارك دولي
جرحتني وماضن ينفع دوه لي
عليه شبيك تتكبر دوليي
حبيبي انت ومنو بالنسبه ليه
............
بعينك دقيس الناس وإنته صفي.
تلگه حُبك بگلبي وانتصفي
أتمنه بالعشكَ طالب وإنته صفي
وأداوم بيك صبحي ومسية
...............
توديع الاحباب قاسي والزمن قاسي
جيتك بودعك قبل انك تودعنا
ماني بناسيك دامك ما انت لي ناسي
لابد الايام وان طالت ترجعنا
..............
وصلني اخر خبر منك وردني
واخذني للسمة هجرك وردني
مثل برعم زرع بعده ورد ني
صورتك بكلبي وبعد هاي هيه
...............
احب وصلك وهابك من عداها
افراكك يوم احمله ، من عداها
ازورك لو تصير احزاب اليه
.........
قلبي مافرح عقـــــــــــبك ولاسار
ولاجذمي ماخطى الغيرك ولاسار
أخبرك مابقت جـــــــــلمه ولاسار
فضحني الدمع من غصـــبن عليه
...............
يشقر عــــــن اودادك سنلها
اونارك تسعر ابجبدي سنلها
ساعه الفــــارقت بيها سنلها
اشحال افراقـك يومينك عليه
..............
وحك آية عصا موسى وسينا
الك حثت رجــايبنه وسينا
الك حسن النبي يوسف وسينا
الي والنور الك والنـار اليه
...............
أريد أرحل ابضعن الشوق وحداوي
أوقلت هذا قراري أوياك وحداي
أريدك بس إلي خاص وحداي
مو عين الهاي أوعين إليه
...................
انت الشمس وانت البدر منهل
وشفافك طعم العســـــل منهل
كلبي بس إلك ياتــــرف منهل
الورد من تمر ياخـذ لك تحيه
......................
كل مغرم برت علتـــه وناله
سعيد اللي حضه بشخصك وناله
الطارش من سمع نوحـي وناله
ترك شغله وبجه رحمــه عليه
موضوع: ابوذيات 
الخميس مايو 13, 2010 11:20 am